HALESUS

I.

HALESUS

Argivus, Faliscae conditor, memoratur Solin. l. 2. Faliscae viz. non Aequorum, de qua Strab. l. 5. p. 226. sed Hetruscorum. Et quidem ab Haleso, prius Falesii, et ὑποχοριςτικῶς, ut nomina gentium apud Vett. plerumque concipi solebant, Falesisci, inde contracte Falisci, appellati: quorum urbs et Falerii indidem, pro Falesii, dicta est. Salmas. ad Solin. p. 60. Ovid. Fast. l. 4. v. 73.

Venerat Atridae fatis agitatus Halesus.

A quo se dictam terra Falisca putat.

Idem Amor. l. 3. Eleg. 13 v. 31. et seqq.

Argiva est pompae facies, Agamemnone caeso,

Et scelus, et patrias fugit Halesus opes.

Iamque pererratis populis terraque, marique,

Moenia felici condidit alta manu.

Ille suos docuit Iunonia sacra Faliscos.

Sint mihi, sint populo semper amica suo.

II.

HALESUS

apud Plin. l. 5. c. 29. fluv. est Colophonem allneos, prope lucum, unde oracula olim perebantur: Α῞λης Paus. De quo vide eund. Salmas. ibid. p. 860.